პროექტის მე-9 დღე

დღეს ტრენინგის ბოლო დღეა, ძალიან მწყდება გული, რომ  ეს ხანგრძლივი და შრომატევადი დღეები მთავრდება...
დღეს გადავხედეთ  ჩვენი პროექტის პორტფოლიოს საბოლოო,  ჩასწორებულ  ვარიანტს  და  მოვამზადეთ პრეზენტაცია ჩვენი კოლეგებისთვის.
მთავარი კითხვაა:

• როგორ  უნდა გამოვიყენოთ ტექნოლოგიები ყველაზე ეფექტურად,სწავლების პროცესის ხელშესაწყობად და მოსწავლეთა სწავლის შეფასების მიზნით.

მოდულის შეკითხვები:

• როგორ უნდა მოვამზადო და წარმოვადგინო ჩემი ნამუშევრები ეფექტურად?
• როგორ გავუზიარო ჩემს კოლეგებს კონსტრუქციული უკუკავშირი?

უკვე დასრულებული პორტფოლიო ავტვირთეთ ბლოგებზე და ვისწავლეთ, თუ როგორ შეიძლება ცვლილებების შეტანა უკვე ატვირთულ პორტფოლიოში.

ტრენინგის მე-8 დღე

• დღევანდელი ტრენინგის თემა იყო ფასილიტაცია:

1.  მთავარი კითხვა:  როგორ უნდა გამოვიყენოთ ტექნოლოგიები ყველაზე ეფექტურად,სწავლების პროცესის ხელშეწყობისა და მოსწავლეთა სწავლის შეფასების მიზნით
2. ასევე გადავხედეთ პროექტის ფაილს და უკვე გამზადებული ფორმა და მთელი ფაილი შევინახეთ დაზიპულ ფორმატში

ტრენინგის მე-7 დღე

მოდული 6. დაგეგმვა მოსწავლეთა წარმატებისთვის.

 აქტივობა 1. ყველა მოსწავლის საჭიროების გათვალისწინება:სწავლის სხვადასხვა სტილის გაცნობა და გააზრება,სწავლის პროცესის დიფერენცირება.

 აქტივობა 2.განმავითარებელი შეფასების გამოყენება თვითრეგულირების უნარის გამოყენებისათვის,შეფასების გეგმის შედგენა თვითრეგულირების უნარის ხელშეწყობისთვის.

  აქტივობა 3. მასალების მომზადება მოსწავლეთა წარმატების ხელშეწყობის მიზნით: შევქმენი დავალება სსსმ მოსწავლისათვის 

აქტივობა 4. პროექტის გეგმის მიმოხილვა.
 ტრენინგის ბოლოს შევავსეთ პროექტის გეგმის რამდენიმე გრაფა, ხელახლა შევინახეთ საქაღალდე და დაზიპული საქაღალდე გავიგზავნეთ ელფოსტით.

ტრენინგის მე-6 დღე

ტრენინგის დასაწყისში გავიხსენეთ წინა დღეს შესაწავლილი მასალა.
 დღევანდელი დღის მასალაა მოსწავლეთა ნამუშევრების შეფასება,

• თემის ირგვლივ უკეთესი წარმოდგენის შესაქმნელად დავათვალიერეთ მოსწავლეთა ნამუშევრები ინტელის სასწავლო კურსის რესურსების ჩამონათვალში.
•  დავამზადეთ მოსწავლეთა ნიმუში პროექტისათვის. ჩემი პროექტის ფარგლებში შევქმენი ახალი ბლოგი მოსწავლეთათვის, სადაც შევიტანე მინიმალური ინფორმაცია თვალსაჩინოებისთვის. 
•  შევქმენით მოსწავლეთა ნიმუშის შეფასების რუბრიკა, ჩემ კონკრეტულ შემთხვევაში შევქმენი ბლოგის შეფასების რუბრიკა.
•  შემდეგ ეტაპზე ტრენერმა აგვიხსნა, თუ როგორ შეიძლება ალბომის შექმნა და ბლოგზე ატვირთვა,ასევე ალბომში ფოტოების დამატება და წაშლა

ტრენინგის მეოთხე დღე

ტრენინგის მსვლელობა

• გავეცანით შეფასების 5 მიზანს-4 განმავითარებელი და 1 განმსაზღვრელი შეფასების ტიპები.  
• შევადგინეთ დროში გაწერილი შეფასების გეგმა. დროის ჩარჩოში შევიტანეთ მონაცემები პროექტზე მუშაობის დაწყებამდე, მუშაობის პროცესში და პროექტის დასრულების შემდეგ.
• გავიხსენეთ, როგორ შეიძლება ვორდის დოკუმენტში ჰიპერლინკის მიბმა და წაშლა ან დოკუმენტზე დოკუმენტის მიმაგრება. 
• ვიმუშავეთ საპრეზენტაციო პროგრამის შედგენაზე. პროექტის ნაბიჯების მიხედვით ავაწყვეთ სლაიდები, ვისწავლეთ როგორ დავადოთ ფონად სლაიდებს სასურველი ფოტო ან სურათი.
• გაკეთებული საპრეზენტაციო დოკუმენტი ჩავამაგრეთ პროექტის პორტფოლიოში პროექტის გეგმის ფაილში.
• ვისწავლეთ embed კოდის გადატანა ბლოგზე 

ვფიქრობ საინტერესო პეზენტაცია გამომივიდა.

ტრენინგის ყველა მონაწილეს ვუსურვებ შემდგომ წარმატებებს.  :-)